تحلم؟
كنت مرة بأحضر منتدى التنمية الإجتماعبة الأول في جدة
جا واحد مسؤول من بنك المئوية اسمه هشام طاشكندي على ما أعتقد، و ببين انهم في البنك يدوروا على أي شاب يكون عنده فكرة بزنس و جاد و هما حيزبطوا في الباقي
لكن يقول انه مرة أتصل عليه واحد و قال لهم : أنا أحس انه أتولدت عشان أكون رجل أعمال بس ماني عارف أيش أبى أسوي
قام السيد طاشكندي قال بعصبية: طب أيش تبغونا نسوي حنحلملكم كمان ؟
أحس في مجتمعنا ما نحلم كفاية ، مع انه ببلاش والله
كم واحد يحلم أيش حيكون بعد ١٠ أو ١٥ سنة من دحين و الصورة ماهي، متزوج عندي ولدين موظف أتقاضى راتب آخر الشهر
مو شرط ولا ضروري يتحقق الحلم بس الحلم ضروري
أنا أحلم اني حاسوي قناة إعلامية على الإنترنت تغير المجتمع المسلم و العالمي إن شاء الله
و بعد فترة أدرس في جامعة بدكتوراة في المجال اللي يفيد مجتمعي بأكبر شكل أكيد ماهو الهندسة الصناعية
لسا ما قررت
في قناة ديسكڤري يقولوا في وحدة من الإعلانات شي مرة جيد
imagination is man's most valuable resource
أيش حلمك إذا ما عندك مشكلة تشاركنا بيه، لو سمحت أفيدني
